இரட்டைக் கிளவிகள்

.
(Check out for 'thanglish' format here)

சுறு சுறு என எழுதித்
தள்ள ஒரு சாம்பார்

துறு துறு என திரையை
ஆக்கிரமிக்கத் தவறியவர்

திரு திரு என முழி
பிதுக்கும் நம் நண்பர் (மனைவியிடம்!!)

கிறு கிறு என கிறுக்கத்
துடிக்கும் இக்கிறுக்கர்

சிலு சிலு என தென்றல்
போல ஒரு தேடல்

குளு குளு என மனதைக்
கிளரும் படப் பதியல்

கல கல என வேகமாக
ஓடும் சக்கரம்

சள சள என விடாது
திரை விமரிசிப்பவர்

மள மள என Hindu
படி ஏறியவர்

பள பள என வாள்
வீசிடும் பெண் புயல்

வள வள என எழுதிக்
குவிக்கும் இந்நண்பர்

நற நற என படங்களை
நொறுக்கும் இந்நரி

பர பர எனத் தன் தமிழ்
பதிவை நிரப்பும் இந்நண்பர்

கம கம என மணக்கும்
கதம்ப மாலை

சுடச் சுட சிறு கதையாய்
எழுதித் தள்ளும் அம்மணி

பட பட என பொரித்து
எடுக்கும் நம்மவர்

நெடு நெடு என கவி
புனைய வல்லவர்

கண கண என தொலைமணி
அலற வைத்தவர்

திகு திகு என எதிர்க்
கவிதை கூற ஒருவர்

கும் கும் என கவிக்
குத்தளிக்கும் விருமாண்டி

அனைவரும்

விறு விறு என
வலை பதிக்கும்
என் சகவாசிகள்

இரட்டைக் கிளவிகளைப் பற்றி பெரும்பாலும் உங்களுக்குத் தெரிந்திருக்கும் (ஒரே மாதிரியான அந்த இரு தொடர் வார்த்தைகளைப் பிரித்தால் பொருள் வராது). அப்படி இங்கு பொருள் தெரிந்து விட்டால், என்னை விட்டு விடுங்கள்..சிறு பிள்ளை...

இது ஒரு முயற்சியே... பல வலைப் பதிவாளர்களின் பெயர் விடுபட்டுள்ளது.. காரணம், எனக்கு இன்னும் பல இரட்டைக் கிளவிகள் கிடைக்கவில்லை. மேலும் என் கவிதை 'நெடு நெடு' என் வளர்ந்து விட்டது.. அதையும் கட்டுப்படுத்தத் தான் நிறுத்தி விட்டேன்....

(உந்துகோல்: தென்னவரின் வாரக்கடைசிப் பதிவு )
.