மும்பைச் சீற்றம்

[thanglish format in the comments section. No English Translation :-( :-( :-(]

அளவிலாச் சீற்றம்,
காவு கொண்டதோ
ஆயிரத்திற்கும் அருகில்,
யார் மீதிந்தக் கோபம்?

உலகின் விலைவாசி உயர்ந்த
நகர்களில் ஒன்றென
மமதையொடு பணம் பெருக்கும்
அரசியல்வாதிகள் மீதா?

வணிகத் தலைநகரெனப்
பெயரெடுத்தும் மாநகர
வசதிகளை முன்னேற்றாத
அரசு மெத்தனத்தின் மீதா?

இவ்வளவு இருந்தும், அதே
குட்டையிலூறிய மட்டைகளைத்
தேர்ந்தெடுக்கும் பொதுஜனத்தின்
இயலாமை மீதா?

எதுவாயினும்

அனைத்தும் மறந்து தணிந்து,
உனையே நம்பி வறுமைக் கோட்டில்
வாழும் மற்ற பலரிடம் (நிலங்கள்)
கொஞ்சமே(??) சீறாயோ?

[இந்திய 'ஷாங்காய்' ஆக 'மும்பை'யை மாற்றத் துடிக்கும் வாய்ச் சொல் வீரர்கள், அதற்கு முன்பு சாக்கடையைத் தூர் வாரி, நகரைச் செம்மைப் படுத்தினால் நன்றாக இருக்கும்.]





இது மும்பை விமான நிலையமென மின்மடல் வந்தது. நான் மும்பை சென்று பல காலம் ஆகி விட்டதால், மறந்துவிட்டது. அதனால், இக்குறிப்பு......

155th post